நடிகர் சக்கரவர்த்தி மரணம் - பிரபலங்கள் இரங்கல்

1980களில் பிரபலமாக இருந்த பிரபல நடிகர் சக்கரவர்த்தி மாரடைப்பால் இன்று மரணமடைந்தார். 

தமிழ் திரையுலகில் சிவாஜி, ரஜினி, கமல் என முன்னணி நடிகர்களின் படங்களில் நடித்ததன் மூலம் பிரபலமானவர் சக்ரவர்த்தி. அவர் இன்று (ஏப்ரல் 23) காலை மும்பையில் காலமானார். அவருக்கு வயது 62. 

கடந்த 1970 மற்றும் 80களில் ஏராளமான தமிழ் படங்களில் சக்ரவர்த்தி நடித்துள்ளார். இதுவரை 80 திரைப்படங்களல் அவர் நடித்துள்ளதாக கூறப்படுகிறது. 

இதையும் படிக்க | 'இந்தத் திட்டத்துக்கு துணை நிற்பது நமது கடமை': மக்களுக்கு விடியோ மூலம் சூர்யா வேண்டுகோள்​

சினிமாவிலிருந்து விலகிய சக்கரவர்த்தி மும்பையில் குடும்பத்துடன் வசித்துவந்தார். தனியார் தொலைக்காட்சியில் பின்னணி குரல் கொடுக்கும் கலைஞராக அவர் இருந்துவந்துள்ளார் என்பது குறிப்பிடத்தக்கது.  

சக்கரவர்த்திக்கு இரண்டு மகன்கள் உள்ளனர். இந்த நிலையில் சக்கரவர்த்தியின் மறைவுக்கு திரையுலக பிரபலங்கள் மற்றும் ரசிகர்கள் இரங்கல் தெரிவித்துவருகின்றனர்.