Enable Javscript for better performance
KGF 2 6TH HIGHEST GROSSING HINDI FILM- Dinamani

உடனுக்கு உடன் செய்திகள்

    டங்கல் வசூலைத் தாண்டுமா?: இந்திய அளவில் ரூ. 300 கோடி வசூலைத் தாண்டிய கேஜிஎஃப் 2 (ஹிந்தி)

    By DIN  |   Published On : 25th April 2022 03:55 PM  |   Last Updated : 25th April 2022 03:55 PM  |  அ+அ அ-  |  

    kgf2_twi8181xx

     

    யஷ் நடித்த கேஜிஎஃப் 2 படத்தின் ஹிந்திப் பதிப்பு, இந்திய அளவில் ரூ. 300 கோடி வசூலை எட்டி சாதனை படைத்துள்ளது.

    யஷ் நடிப்பில் 2018-ல் வெளியான கேஜிஎஃப் என்கிற கன்னடப் படம் இந்திய அளவில் கவனம் பெற்றது. மற்ற மொழிகளிலும் டப் செய்யப்பட்டு வெளியானது. பிரஷாந்த் நீல் இயக்கியிருந்தார். கேஜிஎஃப் படத்தின் 2-ம் பாகம் தற்போது வெளியாகியுள்ளது. யஷ், சஞ்சய் தத், ரவீனா டாண்டன், பிரகாஷ் ராஜ் போன்றோர் நடித்துள்ளார்கள். கேஜிஎஃப் 2 படம் கன்னடம், தமிழ், ஹிந்தி, தெலுங்கு, மலையாளம் ஆகிய மொழிகளில் வெளியாகியுள்ளது.

    கேஜிஎஃப் 2 படம் முதல் நாளன்று ரூ. 134.5 கோடி வசூலித்து அனைவரையும் ஆச்சர்யப்படுத்தியது. 

    இதன் ஹிந்திப் பதிப்பு தற்போது புதிய சாதனையைப் படைத்து வருகிறது. இதற்கு முன்பு 2019-ல் ஹிருத்திக் ரோஷன், டைகர் ஷெராஃப் நடிப்பில் சித்தார்த் ஆனந்த் இயக்கிய வார் படம், முதல் நாளன்று ரூ. 51.60 கோடி வசூலித்ததே சாதனையாக இருந்தது. கேஜிஎஃப் 2 ஹிந்திப் பதிப்பு அதன் சாதனையை உடைத்து முதல் நாளன்று ரூ. 53.95 கோடி வசூலித்து புதிய வரலாறு படைத்தது. 

    கேஜிஎஃப் 2 (ஹிந்தி) ஐந்து நாள்களில் ரூ. 200 கோடி வசூலைத் தாண்டியது. பாகுபலி 2 (ஹிந்தி) படம் ஆறாவது நாளன்று தான் இந்தியாவில் இந்த இலக்கை எட்டியது. நேற்று (ஞாயிறு), ரூ. 22.68 கோடி வசூலித்தது. இதையடுத்து 11-வது நாளன்று ரூ. 300 கோடி வசூலை எட்டி மகத்தான சாதனை படைத்துள்ளது கேஜிஎஃப் 2 (ஹிந்தி). நேற்று வரை ரூ. 321 கோடி வசூலித்துள்ளது. இதன்மூலம் இந்தியாவில் அதிகமாக வசூலித்த 6-வது ஹிந்திப் படம் என்கிற பெருமையைப் பெற்றுள்ளது. 

    கேஜிஎஃப் 2 (ஹிந்தி): இந்திய வசூல்

    2-வது நாள்: ரூ. 100 கோடி
    4-வது நாள்: ரூ. 150 கோடி 
    5-வது நாள்: ரூ. 200 கோடி 
    7-வது நாள்: ரூ. 250 கோடி 
    11-வது நாள்: ரூ. 300 கோடி 

    ஹிந்திப் படங்களில் ரூ. 300 கோடி வசூலை எட்டிய படங்கள்: பிகே, பஜ்ரங்பைஜன், சுல்தான், டங்கல், டைகர் ஹிந்தா ஹை, பாகுபலி 2 , பத்மாவத், சஞ்சு, வார், கேஜிஎஃப் 2. இந்தப் படங்களில் ரூ. 400 கோடி மற்றும் ரூ. 500 கோடி வசூலைத் தாண்டிய ஒரே படம் - பாகுபலி 2 (ஹிந்தி) மட்டுமே. 

    2019-க்குப் பிறகு (வார் படம்) ரூ. 300 கோடியை இந்தியாவில் வசூலித்த முதல் ஹிந்திப் படம் என்கிற பெருமையையும் கேஜிஎஃப் 2  பெற்றுள்ளது. 

    நேற்று வரை ரூ. 321 கோடி வசூலித்துள்ள கேஜிஎஃப் 2 (ஹிந்தி) படம் ஆமிர் கானின் டங்கல் படம் வசூலை (ரூ. 387.38 கோடி) முறியடிக்குமா என்கிற எதிர்பார்ப்பு ஏற்பட்டுள்ளது. அது நிகழும்போது, இந்தியாவில் அதிக வசூலைக் கண்ட ஹிந்திப் படங்களில் முதல் இரு படங்களாக பாகுபலி 2, கேஜிஎஃப் 2 என இரு தென்னிந்தியப் படங்களே இருக்கும். 


    TAGS
    KGF 2

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp