நடிகை ஐஸ்வர்யா ராஜேஷ் நடிப்பில் உருவாகியுள்ள ‘தி கிரேட் இந்தியன் கிச்சன்’ திரைப்படத்தின் வெளியீடு தேதி குறிப்பிடாமல் ஒத்தி வைக்கப்பட்டுள்ளது.
கடந்த ஆண்டு மலையாளத்தில் வெளியாகி ரசிகர்களிடையே நல்ல வரவேற்பைப் பெற்ற திரைப்படம் ‘தி கிரேட் இந்தியன் கிச்சன்’. இந்தப் படத்தை ஜியோ பேபி இயக்கியிருந்தார். இந்நிலையில் இந்தத் திரைப்படத்தின் தமிழ் ரீமேக்கில் நடிகை ஐஸ்வர்யா ராஜேஷ் நடித்துள்ளார்.
இதையும் படிக்க | விஜய் சேதுபதி- கத்ரீனா நடித்துள்ள ‘மெரி கிறிஸ்துமஸ்’ ரிலீஸ் எப்போது?
இயக்குநர் ஆர். கண்ணன் இயக்கியுள்ள இந்தப் படத்தில் ஐஸ்வர்யா ராஜேஷ் உடன் ராகுல், ரவீந்திரன் உள்ளிட்டோர் முதன்மைக் கதாபாத்திரத்தில் நடித்துள்ளனர்.
இந்தப் படம் டிசம்பர் 29ஆம் தேதி வெளியாகும் என ஏற்கெனவே அறிவிக்கப்பட்டிருந்த நிலையில் தற்போது இந்த அறிவிப்பிலிருந்து படக்குழு பின்வாங்கியுள்ளது.
ஐஸ்வர்யா ராஜேஷின் டிரைவர் ஜமுனா திரைப்படம் டிசம்பர் 30ஆம் தேதி வெளியாக உள்ள நிலையில் அடுத்தடுத்து இரு படங்களை வெளியிடுவது வசூல்ரீதியாக பாதிப்பை ஏற்படுத்தும் என்பதால் தயாரிப்பு நிறுவனம் இந்த முடிவை எடுத்துள்ளதாக தகவல் வெளியாகியுள்ளது. அதன்படி தி கிரேட் இந்தியன் கிச்சன் திரைப்படத்தின் வெளியீட்டு தேதி பின்னர் அறிவிக்கப்படும் எனத் தெரிகிறது.