சஞ்சய் லீலா பன்சாலி இயக்கத்தில் ஆலியா பட் நடிப்பில் உருவான ‘கங்குபாய் கத்தியாவடி’ திரைப்படத்தில் இடம்பெற்ற ‘தோலிடா’ பாடல் ரசிகர்கள் மத்தியில் கொண்டாடப்பட்டு வருகிறது.
மும்பை காமத்திபுராவின் இரும்புப் பெண்மணி என அழைக்கப்படும் மறைந்த கங்குபாயின் வாழ்க்கையைத் தழுவி எடுக்கப்பட்ட திரைப்படம் ‘கங்குபாய் கத்தியாவடி’ .
கங்குபாயாக ஆலியா பட் நடித்திருக்கும் இப்படத்தின் முதல் பாடலான ‘தோலிடா’ நேற்று(பிப்.10) வெளியானது.
இந்நிலையில், இப்பாடலில் ஆலியாவின் அசத்தலான நடனத்தை ரசிகர்கள் கொண்டாடி வருகின்றனர். இதுவரை யூடியூப்பில் இப்பாடல் 1.4 கோடி பார்வைகளைப் பெற்றுள்ளது.
‘கங்குபாய் கத்தியாவடி' திரைப்படம் வருகிற பிப்.25 ஆம் தேதி திரையரங்குகளில் வெளியாகிறது.