அட்லி தற்போது ஹிந்தியில் ஷாருக்கான் நடிக்கும் படத்தை இயக்கி வருகிறார். இந்தப் படத்தில் நயன்தாரா நாயகியாக நடிக்க, ஏ.ஆர்.ரஹ்மான் இசையமைக்கிறார். இந்தப் படத்தின் படப்பிடிப்பு பணிகள் விறுவிறுப்பாக நடைபெற்று வருகிறது.
இந்த நிலையில் இயக்குநர் அட்லி தனது மனைவியுடன் ராஜா ராணி திரைப்படம் படமாக்கப்பட்ட தேவாலயத்திற்கு சென்றுள்ளார். இதனை தனது இன்ஸ்டாகிராம் பக்கத்தில் பகிர்ந்துள்ள அவர், தனது மனைவிக்கு காதலர் தின வாழ்த்து தெரிவித்துள்ளார்.
இதையும் படிக்க | விஜய்யின் 'பீஸ்ட்' புதிய போஸ்டர்: 'நண்பன்' படத்தை நினைவூட்டுகிறதா?
ராஜா ராணி திரைப்படத்தின் மூலம் இயக்குநராக அறிமுகமானவர் அட்லி. அந்தத் திரைப்படம் திருமண வாழ்க்கைக்கு பிறகான காதலைப் பேசியது. மணிரத்னத்தின் மௌன ராகம் பாணி கதையாக இருந்தாலும், இளைஞர்களுக்கு பிடிக்கும் விதமாக வண்ணமயமான காட்சிகள், துள்ளலான பாடல்கள் என காதலைக் கொண்டாடும்படமாக உருவாக்கியிருப்பார்.