அருள்நிதி நடிப்பில் தயாராகியுள்ள தேஜாவு திரைப்படத்தின் டீசர் நாளை மறுநாள் வெளியாவதாக அறிவிக்கப்பட்டுள்ளது.
நடிகரும் தயாரிப்பாளருமான அருள்நிதி நடித்துள்ள திரைப்படம் 'தேஜாவு'. த்ரில்லர் கதையாக உருவாகிவரும் ' தேஜாவு' படத்தை அரவிந்த் ஸ்ரீனிவாசன் இயக்கியுள்ளார்.
இதையும் படிக்க | விஜய்க்கு எதிராக தனி நீதிபதியின் கருத்து நீக்கம்
நடிகர்கள் மதுபாலா, ஸ்மிருதி வெங்கட், மைம் கோபி, காளி வெங்கட், சேத்தன் உள்ளிட்ட பலர் நடித்துள்ளனர். ஒளிப்பதிவாளராக பி.ஜி.முத்தையா, இசையமைப்பாளராக ஜிப்ரான், எடிட்டராக அருள் சித்தார்த் ஆகியோர் பணிபுரிந்துள்ளனர்.
தமிழ், தெலுங்கு ஆகிய இரு மொழிகளில் உருவாகியுள்ள இந்தப் படத்தின் டீசர் நாளை மறுநாள் வெளியாகும் என படக்குழு அறிவித்துள்ளது.