வினித் ஸ்ரீநிவாசன் இயக்கத்தில் மோகன்லாலின் மகன் பிரணவ் நாயகனாக நடித்துள்ள ஹிரிதயம் திரைப்படம் கடந்த வாரம் வெளியாகி நல்ல விமர்சனங்களுடன் வெற்றிகரமாக திரையரங்குகளில் ஓடிக்கொண்டிருக்கிறது.
இந்தப் படத்தில் நடிகரும் கதாசிரியருமான ஸ்ரீநிவாசனின் மகன் வினித் ஸ்ரீநிவாசன் இயக்க, மோகன்லாலின் மகன் பிரணவ் நாயகனாகவும், இயக்குநர் பிரியதர்ஷனின் மகள் கல்யாணி நாயகியாகவும் நடித்துள்ளதால் இது வாரிசுகளின் படமாக அமைந்துள்ளது.
இந்தப் படம் ஒரு வாரத்தில் கிட்டத்தட்ட ரூ.25 கோடிக்கு மேல் வசூலித்துள்ளதாக தகவல் வெளியாகியுள்ளது. மிகக் குறைந்த முதலீட்டில் உருவான இந்தப் படம பல மடங்கு அதிகமாக வசூலித்துள்ளதால் இந்த ஆண்டின் முதல் பெரிய வெற்றிப்படமாக ஹிரிதயம் அமைந்துள்ளது.