Enable Javscript for better performance
National Film Awards 2020 List Of Winners- Dinamani

உடனுக்கு உடன் செய்திகள்

    திரைப்படத் தேசிய விருதுகளில் முதலிடம் யாருக்கு?: தமிழை முந்தியதா மலையாளம்?

    By ச.ந. கண்ணன்  |   Published On : 23rd July 2022 03:32 PM  |   Last Updated : 23rd July 2022 03:32 PM  |  அ+அ அ-  |  

    suriya1_twi

     

    திரைப்படத் தேசிய விருதுகளுக்கான அறிவிப்பு நேற்று வெளியானது. தமிழ், மலையாளப் படங்கள் அதிக தேசிய விருதுகளை வாங்கிக் குவித்தன.

    இந்நிலையில் தேசிய விருது பெற்ற மலையாளத் திரைப்படக் கலைஞர்களுக்கு வாழ்த்து தெரிவித்த பிரபல நடிகர் மம்மூட்டி, வெற்றியாளர்களில் மலையாளத் திரையுலகம் உயர்ந்து நிற்பதைப் பார்க்கும்போது பெருமையாக உள்ளது என்று ஆங்கிலத்தில் ட்வீட் வெளியிட்டிருந்தார். 

    உண்மையிலேயே மலையாளத் திரையுலகம், தமிழை விடவும் அதிக விருதுகளை வென்றுள்ளதா?

    இதற்கு ஆம், இல்லை என இரு விதமாகவும் பதில் சொல்லலாம். 

    ப்யூச்சர் ஃபிலிம் பிரிவில் (திரைப்படங்கள்) தமிழ்த் திரையுலகம் 10 தேசிய விருதுகளையும் மலையாளத் திரையுலகம் 8 தேசிய விருதுகளையும் வென்றுள்ளன. எனவே திரைப்படங்களை மட்டும் கணக்கில் எடுத்துக்கொண்டால் தமிழ்த் திரையுலகமே வெற்றியாளர். 

    நான் ப்யூச்சர் ஃபிலிம் பிரிவில்  (குறும்படங்கள், ஆவணப்படங்கள்) மலையாளத் திரையுலகம் 3 விருதுகளைப் பெற்றுள்ளது. எனவே இந்தப் பிரிவில் அதுதான் ஜெயித்துள்ளது. நான் ப்யூச்சர் படங்களில் சிறந்த இயக்குநருக்கான விருதை ஆர்.வி. ரமணி பெற்றுள்ளார். ஓ தட்ஸ் பானு என்கிற படம் ஆங்கிலம், தமிழ், மலையாளம், ஹிந்தி ஆகிய மொழிகளில் வெளியாகியுள்ளது. எனவே இந்த விருது அனைவருக்கும் பொதுவானது என்று வைத்துக்கொள்ளலாம். 

    திரைப்படப் பிரிவில் தமிழ்த் திரையுலகம் பெற்ற 10 விருதுகள்

    1. சிறந்த தமிழ்ப் படம் - சிவரஞ்சனியும் இன்னும் சில பெண்களும்
    2. சிறந்த படம் - சூரரைப் போற்று
    3. சிறந்த நடிகர் - சூர்யா
    4. சிறந்த நடிகை - அபர்ணா பாலமுரளி 
    5. சிறந்த பின்னணி இசை - ஜி.வி. பிரகாஷ்
    6. சிறந்த படத்தொகுப்பு - ஸ்ரீகர் பிரசாத்
    7. சிறந்த துணை நடிகை - லட்சுமி ப்ரியா சந்திரமெளலி
    8. சிறந்த திரைக்கதை - சுதா கொங்கரா, ஷாலினி உஷா நாயர்
    9. சிறந்த வசனகர்த்தா - மடோன் அஸ்வின்
    10. சிறந்த அறிமுக இயக்குநர் - மடோன் அஸ்வின்

    திரைப்படப் பிரிவில் மலையாளத் திரையுலகம் பெற்ற 8 விருதுகள்

    1. சிறந்த படம் (சிறப்பு விருது)
    2. சிறந்த மலையாளப் படம்
    3. சிறந்த சண்டைக்காட்சிகளுக்கான இயக்கம்
    4. சிறந்த கலை இயக்கம்
    5. சிறந்த ஒலியமைப்பு 
    6. சிறந்த பாடகி
    7. சிறந்த துணை நடிகர்
    8. சிறந்த இயக்குநர்

    திரைப்படங்களுக்கான பிரிவில் தமிழ்ப் படங்கள் அதிக விருதுகளையும் (மலையாளத்தை விடவும் கூடுதலாக இரு விருதுகள்) குறும்படங்கள், ஆவணப்படங்களைக் கொண்ட நான் ப்யூச்சர் ஃபிலிம் பிரிவில் அதிக விருதுகளை மலையாளத் திரையுலகமும் வென்றுள்ளன.

    ஒட்டுமொத்தமாகப் பார்க்கும்போது மலையாளத் திரையுலகம் 11 விருதுகளையும் தமிழ்த் திரையுலகம் 10 விருதுகளையும் வென்றுள்ளன (ஒரு விருதை இரு திரையுலகமும் பகிர்ந்துகொண்டுள்ளன).


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp