இயக்குநர் பாலா இயக்கத்தில் சூர்யா நடிக்கும் சூர்யா 41 என தற்காலிகமாக பெயரிடப்பட்டுள்ள படத்தின் படப்பிடிப்பு இன்று (மார்ச் 28) பூஜையுடன் துவங்கியது. இந்தப் படத்துக்கு ஜி.வி.பிரகாஷ் குமார் இசையமைக்க, பாலசுப்ரமணியம் ஒளிப்பதிவு செய்கிறார்.
இந்தப் படத்தில் சூர்யாவுக்கு ஜோடியாக க்ரித்தி ஷெட்டி நடிக்கவிருக்கிறார். ஜோதிகாவுடன் இணைந்து சூர்யா தனது 2டி எண்டர்டெயின்மென்ட் சார்பாக தயாரிக்கிறார். இந்தப் படத்தில் கலை இயக்குநராக வி.மாயபாண்டியும், படத்தொகுப்பாளராக சதிஷ் சூர்யாவும் பணிபுரியவிருக்கின்றனர்.
இந்த நிலையில் இந்தப் படத்தில் மலையாள நடிகை மமிதா பைஜு முக்கிய வேடத்தில் நடிக்கவிருக்கிறார். இவர் மலையாளத்தில் 'கோ கோ', 'விக்ருதி', 'வரதன்' உள்ளிட்ட படங்களில் நடித்துள்ளார். இவர் இந்தப் படத்தில் என்ன வேடத்தில் நடிக்கிறார் என்பது விரைவில் தெரியவரும்.