கிரிக்கெட் வீரர் மகேந்திர சிங் தோனி தயாரிப்பில் நடிகர் விஜய் உடன் பிரபல நடிகர் இணைய உள்ளதாக தகவல் வெளியாகியுள்ளது.
சர்வதேச கிரிக்கெட்டிலிருந்து ஓய்வுபெற்றுள்ள கிரிக்கெட் வீரர் எம்.எஸ்.தோனி, தோனி எண்டர்டெயின்மென்ட் என்ற தயாரிப்பு நிறுவனத்தைத் துவங்கி திரைப்படங்களை தயாரிக்க இருக்கிறார்.
இதையும் படிக்க: சமீபத்தில் வெளியான படத்தை விமர்சித்த நடிகர் தனுஷ்
தமிழ், தெலுங்கு, மலையாளம் மொழிப் படங்களை அவர் தயாரிக்க திட்டமிட்டுள்ளார். தமிழில் அவர் தயாரிக்கும் முதல் படத்தில் நயன்தாரா நடிக்க அதிக வாய்ப்பிருப்பதாகவும் அதற்கான பேச்சுவார்த்தைகள் நடைபெற்றுவருவதாகவும் கூறப்படுகிறது.
மேலும், நடிகர் விஜய் லோகேஷ் கனகராஜ் இயக்கத்திற்குப் பின் தோனி தயாரிப்பில் நடிக்க உள்ளார் என்கிற தகவல் வெளியானது.
இந்நிலையில், தற்போது அப்படத்தில் விஜய் உடன் தெலுங்கு சூப்பர் ஸ்டார் மகேஷ் பாபு இணைந்து நடிக்க அவரிடம் பேச்சுவார்த்தை நடைபெற்று வருவதாக தகவல் வெளியாகியுள்ளது.