90களில் முன்னணி நடிகராக வலம் வந்த நடிகர் கார்த்திக்கின் புதிய படத்தில் சன்னி லியோன் நடனமாட உள்ளதாக தகவல்கள் வெளியாகியுள்ளது.
கனடாவில் பிறந்த இந்திய வம்சாவளிக் குடும்பத்தைச் சேர்ந்த சன்னி லியோன். 2012 முதல் ஹிந்தி படங்களில் நடித்து வருகிறார்.
தமிழில் ஜெய் நடித்த 'வடகறி' படத்தில் ஒரு பாடலுக்கு நடனமாடியிருந்தார். கடந்த 2011-ல் அமெரிக்க நடிகரான டேனியல் வெப்பரைத் திருமணம் செய்தார் சன்னி லியோன்.
‘தீ இவன்’ படத்தில் கார்த்திக் கதாநாயகனாக நடிக்கிறார். இதில் சுகன்யா, ராதா ரவி, அஸ்மிதா, யுவராணி, சிங்கம் புலி, ஜான் விஜய் மற்றும் பலர் நடித்துள்ளனர். இந்தப் படத்தினை டிஎம். ஜெயமுருகன் இயக்குகிறார். இவர் இதற்குமுன் ரோஜா மலரே, சிந்துபாத் போன்ற படங்களை தயாரித்து இயக்கியுள்ளார். ஒளிப்பதிவு- ஒய்.என். முரளி, படத்தொகுப்பு- மொஹமது இட்ரிஸ் , இசை- ஆஜ் அலி மிஸ்ரா.
இந்தப் படத்தின் கதை மற்றும் நடிகர்கள் பிடித்துள்ளதாகவும் பாடல் வரிகள் மிகவும் பிடித்ததாகவும் நடிகை சன்னி லியோன் கூறியதாக தகவல்கள் வெளியாகியுள்ளது.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
