இயக்குநர் பா.ரஞ்சித்தின் 'நட்சத்திரம் நகர்கிறது' படத்தின் ஓடிடி வெளியீடு குறித்து தகவல் கிடைத்துள்ளது.
பா.ரஞ்சித் இயக்கத்தில் உருவாகியுள்ள 'நட்சத்திரம் நகர்கிறது' படம் திரையரங்குகளில் வெளியாகி கலவையான விமர்சனங்களைப் பெற்றுவருகிறது. பெரும்பாலானோர் படத்தைப் பாராட்டினாலும் படத்துக்கு, எதிர்மறை விமர்சனங்களும் கிடைத்துள்ளன.
இந்த நிலையில் இந்தப் படத்தின் ஓடிடி வெளியீட்டு உரிமையை நெட்ஃபிளிக்ஸ் நிறுவனம் கைப்பற்றியுள்ளதாம். இதுகுறித்து அதிகாரப்பூர்வ அறிவிப்பு விரைவில் வெளியாகலாம்.
இதையும் படிக்க | விமர்சனங்கள் காரணமாக 'கோப்ரா' படத்தில் 20 நிமிட காட்சிகள் நீக்கம்
நட்சத்திரம் நகர்கிறது படத்தில் கலையரசன், துஷாரா விஜயன், காளிதாஸ் ஜெயராம் உள்ளிட்ட பலர் நடித்திருக்கிறார்கள். தென்மா இந்தப் படத்துக்கு இசையமைக்க, கிஷோர் குமார் ஒளிப்பதிவு செய்துள்ளார்.
இதனையடுத்து பா.ரஞ்சித் தற்போது விக்ரம் நாயகனாக நடிக்க ஒரு படத்தை இயக்கவிருக்கிறார். இதற்கான முன்கட்ட தயாரிப்பு பணிகளில் அவர் ஈடுபட்டுவருகிறார். இந்தப் படத்தை ஸ்டுடியோ கிரீன் தயாரிக்க, ஜி.வி.பிரகாஷ் குமார் இந்தப் படத்துக்கு இசையமைக்கிறார்.