நடிகர் அரவிந்த் சாமி நடிப்பில் உருவாகியுள்ள ‘ரெண்டகம்’ படத்தின் வெளியீட்டுத் தேதி குறித்து அறிவிக்கப்பட்டுள்ளது.
டி.பி. பெலினி இயக்கத்தில் நடிகர் அரவிந்த் சாமி நடிப்பில் கிரைம், திரில்லர் பாணியில் உருவாகியிருக்கும் திரைப்படம் ‘ரெண்டகம்’. பழைய நினைவுகளை மறக்கும் டேவிட்(அரவிந்த் சாமி) நினைவு திரும்பிய பின் சந்திக்கும் பிரச்னைகளை மையமாக வைத்து இப்படம் தயாராகியுள்ளது.
இதில் குஞ்சக்கோ போபன், ஜாக்கி ஜேராஃப் உள்ளிட்டோர் நடித்துள்ளனர்.
இந்நிலையில், இப்படம் வருகிற செப்டம்பர் 23 ஆம் தேதி திரையரங்குகளில் வெளியாகும் என படக்குழுவினர் தெரிவித்துள்ளனர்.