எதிர்பார்ப்பை தூண்டும் ‘இந்தியன் 2’

இந்தியன் 2 படப்பிடிப்பு புகைப்படங்கள் படத்தின் மீதான ஆவலைத் தூண்டி வருகிறது.

இயக்குநர் ஷங்கர் இயக்கத்தில் கமல்ஹாசன் நடித்துவந்த இந்தியன் 2 படம் விபத்து உள்ளிட்ட காரணங்களால் பாதியில் நின்றது. கமலின் ‘விக்ரம்’ மிகப்பெரிய வெற்றியைப் பெற்றதால் தற்போது ‘இந்தியன் 2’ படத்தை மீண்டும் தொடங்கியுள்ளனர். 

ஜெயமோகன் எழுத்தில் லைகா தயாரிப்பில் அனிருத் இசையில் ரவி வர்மா, ரத்னவேலு ஒளிப்பதிவில் உருவாகும் இந்தியன் 2 படத்தில் கமலுடன் இணைந்து சமுத்திரக்கனி, பாபி சிம்கா, காஜல் அகர்வால், சித்தார்த், ராகுல் பிரீத் சிங், பிரியா பவானி சங்கர் உள்ளிட்ட பலர் நடிக்கின்றனர். 

இப்படத்தின் படப்பிடிப்பு தென் ஆப்பிரிக்காவில் நடைபெற்று வருகிறது.

இந்நிலையில், நடிகர் கமல்ஹாசன் படப்பிடிப்பு தளங்களிலிருக்கும் தன் புகைப்படத்தை இணையத்தில் பகிர்ந்து வருகிறார். இது படத்தின் மீதான ரசிகர்களின் ஆவலைத் தூண்டி வருகிறது.