கேரளத்தைச் சேர்ந்த நடிகை அனு இமானுவேல் மலையாள சினிமாவில் குழந்தை நட்சத்திரமாக அறிமுகமானவர்.
அதன் பின், சில படங்களில் நாயகியாக நடித்தார். தொடர்ந்து, ‘துப்பறிவாளன்’ திரைப்படத்தில் விஷாலுக்கு ஜோடியாகவும் சிவகார்த்திகேயனின் ‘நம்ம வீட்டு பிள்ளை’ படத்தில் நாயகியாகவும் நடித்திருந்தார். கார்த்தி நடிப்பில் உருவாகும் ‘ஜப்பான்’ படத்தில் நடித்து முடித்துள்ளார்.
இதையும் படிக்க: இறுதிக்கட்ட படப்பிடிப்பில் கேப்டன் மில்லர்!
மேலும், தெலுங்கு திரைப்படங்களிலும் கவனம் செலுத்தி வருகிறார். இந்நிலையில், அனு இமானுவேல் பேட்டி ஒன்றில், “நான் சினிமாவுக்கு வந்த புதிதில் சில பெரிய மனிதர்கள் எனக்கு பாலியல் ரீதியாக தொந்தரவு கொடுத்தனர். குறிப்பாக, வாய்ப்பு வேண்டுமென்றால் படுக்கைக்கு வா என அழைத்தார்கள். அப்படி, சமீபத்தில் ஒரு பிரபல தயாரிப்பாளரும் என்னை படுக்கைக்கு அழைத்தார். ஆனால், நான் இதற்கெல்லாம் பயப்படமால் என் குடும்பத்தினர் உதவியோடு எதிர்கொண்டேன். இந்த மாதிரியான பிரச்னைகளைக் கண்டு பயப்படாமல் துணிச்சலாக முன்னேறிச் செல்ல வேண்டும்” எனக் கூறி பரபரப்பைக் கிளப்பியுள்ளார்.