விஷால் நடிக்கும் ‘ரத்னம்’ படம் குறித்த அப்டேட்டை படக்குழு இன்று வெளியிட்டுள்ளது.
‘மார்க் ஆண்டனி’ வெற்றியைத் தொடர்ந்து விஷால் நடித்து வரும் படம் ரத்னம். இந்த படத்தை ஹரி இயக்கி வருகிறார. தாமிரபரணி, பூஜை படங்களுக்கு பிறகு இருவரும் இணையும் மூன்றாவது படம் இது. இதில் விஷால் ஜோடியாக பிரியா பவானி சங்கர் நடிக்கிறார்.
மேலும் படத்தில் கௌதம் வாசுதேவ் மேனன், சமுத்திரக்கனி, யோகிபாபு உள்ளிட்டோர் நடிக்கின்றனர். படத்துக்கு தேவி பிரசாத் இசையமைக்க சுகுமார் ஒளிப்பதிவு செய்கிறார். படத்தை ஜீ ஸ்டூடியோஸ் சவுத் மற்றும் ஸ்டோன்பெஞ்ச் ஃபிலிம்ஸ் நிறுவனங்கள் இணைந்து தயாரிக்கின்றன.
இயக்குநர் ஹரிக்கே உரிதான ஆக்ஷன் பாணியில் படம் உருவாகி வருகிறது. இந்த நிலையில் படத்தின் முதல் பாடலான ‘வாராய் ரத்னம்’ நாளை காலை 7 மணிக்கு வெளியாகும் என படக்குழு அறிவித்துள்ளது.