தனுஷ் குரலில் ’வா.. வாத்தி’ பாடலின் முழுமையான வடிவம் வெளியாகியுள்ளது.
'திருச்சிற்றம்பலம்', 'நானே வருவேன்' வெற்றிப் படங்களுக்கு பிறகு நடிகர் தனுஷ் தெலுங்கு இயக்குநர் வெங்கி அட்லுரி இயக்கத்தில் நடித்துள்ள 'வாத்தி' படம் பிப்ரவரி 17ஆம் தேதி வெளியானது. தெலுங்கில் ‘சார்’ என்ற பெயரில் இந்தப் படம் பிரமாண்டமாக வெளியிடப்ப்பட்டது.
சித்தாரா எண்டர்டெயின்மென்ட்ஸ் தயாரித்துள்ள இந்தப் படத்துக்கு ஜி.வி.பிரகாஷ் குமார் இசையமைத்துள்ளார். இப்படத்தில் தனுஷுக்கு ஜோடியாக சம்யுக்தா நடிக்க, சமுத்திரக்கனி முக்கிய வேடத்தில் நடித்துள்ளார்.
இதையும் படிக்க: பிரபு தேவாவின் 'பகீரா' வெளியீட்டுத் தேதி அறிவிப்பு
இதுவரை இப்படம் ரூ.60 கோடி வரை வசூலித்துள்ளது.
இந்நிலையில், இப்படத்தில் இடம்பெற்று மிகப்பெரிய வரவேற்பைப் பெற்ற ‘வா..வாத்தி’ பாடலின் தனுஷ் வெர்சன் வெளியாகியுள்ளது. முழுக்க தனுஷ் குரலிலும் வரிகளிலும் உருவான இப்பாடல் ரசிகர்களைக் கவர்ந்து வருகிறது.