ஓடிடியில் வெளியான திரைப்படங்களின் பட்டியல் வெளியாகியுள்ளது.
சுனைனா நடிப்பில் வெளியான ரெஜினா திரைப்படம் நேற்று (ஜூலை 25) அமேசான் பிரைம் மற்றும் ஆஹா ஓடிடி தளத்தில் வெளியானது.
அதேபோல், பாயும் ஒளி நீ எனக்கு திரைப்படம் சிம்ப்ளி சவுத் ஓடிடி தளத்திலும், அஸ்வின்ஸ் திரைப்படம் நெட்பிளிக்ஸ் ஓடிடி தளத்திலும், சிங்க் திரைப்படம் ஆஹா ஓடிடி தளத்திலும் வெளியானது.
மாரி செல்வராஜ் இயக்கத்தில் உதயநிதி ஸ்டாலின், வடிவேலு, ஃபஹத் ஃபாசில் நடித்த மாமன்னன் திரைப்படம் கடந்த மாதம் 29ஆம் தேதி திரையரங்குகளில் வெளியானது. இப்படம் நெட்ஃபிளிக்ஸ் ஓடிடி தளத்தில் ஜூலை 27 ஆம் தேதி (நாளை)வெளியாகிறது.
இதையும் படிக்க: சொல்ல ஒன்றுமில்லை... நடிகை ஸ்வாதி விவாகரத்து?
போர் தொழில் திரைப்படம் இந்த வாரம் ஓடிடியில் வெளியாகும் என எதிர்பார்க்கப்பட்ட நிலையில், ஆகஸ்ட் மாதம் வெளியாகலாம் என தகவல் வெளியாகியுள்ளது. ஆனால், படக்குழு தரப்பில் இருந்து இதுவரை எந்த தகவலும் வெளியிடப்படவில்லை.