ஃபர்ஹானா ஓடிடி வெளியீட்டுத் தேதி அறிவிப்பு

ஃபர்ஹானா திரைப்படத்தின் ஓடிடி வெளியீட்டுத் தேதி அறிவிக்கப்பட்டுள்ளது.

காக்கா முட்டை, ரம்மி, கனா, வடசென்னை உள்ளிட்ட திரைப்படங்களின் மூலம் பிரபலமானவர் நடிகை ஐஸ்வர்யா ராஜேஷ். வடசென்னை வெற்றிக்குப் பிறகு பல்வேறு திரைப்படங்களில் நடித்துவருகிறார். 

மையக்கதாபாத்திரமாக இவர் நடித்த தி கிரேட் இந்தியன் கிச்சன், சொப்பன சுந்தரி, டிரைவர் ஜமுனா ஆகிய படங்கள் நல்ல பெயரைப் பெற்றுத்தந்தது.

இதையும் படிக்க: சிகிச்சை முடிந்து தேறி வருகிறேன்: பிருத்விராஜ்

தொடர்ந்து நெல்சன் வெங்கடேசன் இயக்கத்தில் ஃபர்ஹானா திரைப்படத்தில் நடித்திருந்தார். அப்படம் வெளியாகி கலவையான விமர்சனங்களைப் பெற்றாலும் வசூல் ரீதியாக வெற்றிப்படமாக அமைந்தது. இதில் செல்வராகவன், ஜித்தன் ரமேஷ், அனுமோல், ஐவர்யா தத்தா மற்றும் பலர் நடித்திருந்தனர்.

இந்நிலையில், சோனி லைவ் ஓடிடி தளத்தில் வருகிற ஜூலை 7 ஆம் தேதி இப்படம் வெளியாகவுள்ளதாக அறிவிக்கப்பட்டுள்ளது.