கமல் 234 படத்தின் பெயர் இன்று மாலை அறிவிக்கப்படவுள்ளதாக படக்குழு தெரிவித்துள்ளது.
விக்ரம் படத்தின் வெற்றிக்குப் பிறகு கமலுக்கான மார்கெட் மீண்டும் அதிகரித்துள்ளது. கமல்ஹாசன் - மணிரத்னம் கூட்டணியில் 1987ல் வெளியான 'நாயகன்' திரைப்படம் மாபெரும் வெற்றி பெற்றது. இதைத் தொடர்ந்து 35 ஆண்டுகளுக்குப் பிறகு இந்தக் கூட்டணி மீண்டும் இணைகிறது.
ரவி கே. சந்திரன் ஒளிப்பதிவில் அறிமுக முன்னோட்ட விடியோவின் படப்பிடிப்பு நடந்து முடிந்துள்ளது. இந்த விடியோவை கமலின் பிறந்த நாளான நவ.7-ல்(நாளை) வெளியிட உள்ளனர்.
இதையும் படிக்க | தெலுங்கு நடிகருடன் திருமணமா?: என்ன சொல்கிறார் மிருணாள் தாக்குர்
இந்த நிலையில், படத்தின் பெயரை இன்று மாலை 5 மணிக்கு வெளியிடவுள்ளதாக ராஜ் கமல் பிலிம்ஸ் நிறுவனம் போஸ்டர் வெளியிட்டு தெரிவித்துள்ளது.
நடிகர் கமல்ஹாசனின் இந்தியன் 2 படம் விரைவில் வெளியாகவுள்ள நிலையில், தொடர்ந்து ஹெச்.வினோத் இயக்கும் படத்தில் நடிக்கவுள்ளார் என்பது குறிப்பிடத்தக்கது.