துணிவு படத்தைத் தொடர்ந்து அஜித்தின் புதிய படமான விடாமுயற்சியை மகிழ் திருமேனி இயக்குகிறார். லைகா நிறுவனம் இப்படத்தினை தயாரிக்கிறது. இப்படத்தின் படப்பிடிப்பு புணேவில் தொடங்கவுள்ளதாகவும், அஜித்துக்கு ஜோடியாக த்ரிஷா நடிக்கவுள்ளதாகவும் தகவல்கள் வெளியாகியிருந்தது. பின்னர் சில காரணங்களால் படப்பிடிப்பு ஒத்திவைக்கப்பட்டது.
இப்படத்தின் படப்பிடிப்பு அக்டோபர் 4இல் அஜர் பைஜானில் தொடங்கியதாகவும் தொடர்ந்து 3 மாதம் அங்கு படப்பிடிப்பு நடத்த மகிழ் திருமேனி திட்டமிட்டுள்ளதாக புதிய தகவல் வெளியாகியது.
இந்நிலையில் இயக்குநர் மகிழ் திருமேனி பிறந்தநாளினை முன்னிட்டு நடிகர் ஆரவ் வாழ்த்து தெரிவித்து பதிவிட்டுள்ளார். இதில் தன்னை நம்பியதற்கு நன்றி எனக் கூறியுள்ளார். எற்கனவே, உதயநிதியை வைத்து மகிழ்திருமேனி இயக்கிய ‘கலகத் தலைவன்’ படத்தில் வில்லனாக ஆரவ் நடித்திருந்தது குறிப்பிடத்தக்கது.
இதையும் படிக்க: இந்திய சினிமாவில் முதன்முறை: ஜவான் வரலாற்று சாதனை!
பிக்பாஸ் மூலம் பிரபலமான ஆரவ் தற்போது ரம்யா பாண்டியனுடன் ஒரு படத்தில் நடித்து வருவதும் குறிப்பிடத்தக்கது.