நடிகர் விஜய்யின் புதிய படத்தில் நடிக்க ஒப்பந்தமாகியுள்ள நடிகை லைலாவுக்கு பாண்டியன் ஸ்டோர்ஸ் நடிகர் குமரன் தங்கராஜன் வாழ்த்து தெரிவித்துள்ளார்.
வெங்கட் பிரபு இயக்கத்தில் விஜய் நடிக்கவுள்ள புதிய படத்தின் படப்பிடிப்பு இன்றுமுதல் (அக். 24) தொடங்கியுள்ள நிலையில், உடன் நடிக்கும் நடிகர்களின் பட்டியலையும் தயாரிப்பு நிறுவனம் இன்று வெளியிட்டிருந்தது.
அதில் நடிகை ஸ்நேகா, மீனாட்சி செளத்ரி உள்ளிட்டோருடன் நடிகை லைலாவும் நடிக்கவுள்ளார்.
இதனிடையே நடிகை லைலாவுக்கு நடிகர் குமரன் தங்கராஜன் வாழ்த்து தெரிவித்துள்ளார். இவர் பாண்டியன் ஸ்டோர்ஸ் தொடரில் முதன்மை பாத்திரத்தில் நடித்தவர். தற்போது பாண்டியன் ஸ்டோர்ஸ் தொடர் முதல் பாகம் முடிந்து, இரண்டாவது பாகம் விரைவில் ஒளிபரப்பாகவுள்ளது.
குமரன் தங்கராஜும் திரைப்படங்களில் நடித்து வருவது குறிப்பிடத்தக்கது. இவர் மாய தோட்டா, வதந்தி போன்ற இணையத் தொடர்களிலும் நடித்து கவனம் ஈர்த்தவர். வதந்தி தொடரில் நடிகை லைலாவுடன் குமரன் நடித்திருந்தார்.