லட்சோப லட்ச ரசிகர்களைப் பெற்றிருக்கும் வெட்னஸ்டே வெப் சீரிஸ் நெட்ஃபிளிக்ஸில் ஒளிபரப்பாகி வரும் நிலையில், இரண்டாவது சீசன் வேறொரு ஓடிடி தளம் வாங்கவிருப்பதாகத் தகவல்கள் வெளியாகியுள்ளன.
ஜென்னா ஓர்டேகா நடித்து, லட்சக்கணக்கான பார்வையாளர்களால் பார்க்கப்பட்டு, பெரும் ஆதரவைப் பெற்றது வெட்னஸ்டே என்ற வெப் சீரிஸ்.
இதையும் படிக்க.. ஈவிகேஎஸ் இளங்கோவன் மகன் திருமகன் ஈவெரா மாரடைப்பால் மரணம்
கடந்த ஆண்டு நவம்பர் 16ஆம் தேதி நெட்ஃபிளிக்ஸில் வெட்னஸ்டே வெப்சீரிஸ் வெளியானது. பல கோடி பேரால் பார்க்கப்பட்டு, தொடர்ந்து ரசிகர்களை அதிகரித்துக் கொண்டே வருகிறது. அதன் ஒரு பாடல் கூட, யூ-டியூப்பில் பல கோடி பேரால் பார்வையிடப்பட்டிருப்பதாக புள்ளிவிவரம் காட்டுகிறது.
இதற்கிடையே, வெட்னஸ்டே வெப் சீரிஸை தயாரித்த எம்ஜிஎம் நிறுவனமும் அமேசானும் நடத்திய ஒப்பந்தம் நிறைவு பெற்று, தற்போது வெட்னஸ்டே வெப் சீரிஸ் இரண்டாம் பாகம் அதன் ஓடிடி பிளாட்ஃபார்மான பிரைம் விடியோவுக்குச் சொந்தமாகியிருக்கிறது.
இதையும் படிக்க.. 40 காயங்கள்.. அஞ்சலியின் உடல் கூறாய்வு முடிவு வெளியானது
வெட்னஸ்டே வெப் சீரிஸ் இன்னமும் அதன் இரண்டாம் பாகத்துக்குத் தயாராகவில்லை என்றபோது, உலகளவில் பெற்ற வெற்றி காரணமாக, நிச்சயம் இதன் இரண்டாம் பாகம் விரைவில் வெளியாகும் என்று உறுதியாக நம்பப்படுகிறது.