அஜித் பிறந்தநாளில் வெளியான கேங்க்ஸ்டா பாடல்! 

துணிவு படத்தைத் தொடர்ந்து அஜித்தின் புதிய படத்தை யார் இயக்குவார் என்கிற எதிர்பார்ப்பு ரசிகர்கள் மத்தியில் இருந்து. தற்போது அந்த எதிர்பார்ப்புக்கு விடை கிடைத்துள்ளது. அஜித் குமாரின் பிறந்தநாளை முன்னிட்டு அவரின் புதிய படம் குறித்த அதிகாரபூர்வ அறிவிப்பு வெளியாகியுள்ளது. 

இதையும் படிக்க: பொன்னியின் செல்வனை மாட்டிவிட்ட வானதி: வைரலாகும் புகைப்படம்! 

அதன்படி அஜித்தின் அடுத்தப் படத்தை இயக்குநர் மகிழ் திருமேனி இயக்குவார் எனத் தெரிவிக்கப்பட்டுள்ளது. மேலும் படத்துக்கு விடாமுயற்சி எனவும் தலைப்பு வைத்துள்ளனர். லைகா நிறுவனம் தயாரிக்கும் இந்த படத்துக்கு அனிருத் இசையமைக்கிறார். நிரவ் ஷா ஒளிப்பதிவு செய்கிறார். 

இதையும் படிக்க: அனைவரும் கற்றுக்கொள்ள வேண்டிய பாடம்: பீட்டர் பால் மறைவிற்கு வனிதா உருக்கம்

முன்னதாக நடிகர் அஜித் குமாரின் அடுத்த படமான ஏகே 62 படத்தை இயக்குநர் விக்னேஷ் சிவன் இயக்குவதாக இருந்தது. இந்த நிலையில் கதை குளறுபடியால் தற்போது அந்த வாய்ப்பு இயக்குநர் மகிழ் திருமேனிக்கு கைமாறியுள்ளது குறிப்பிடத்தக்கது. 

இந்நிலையில் துணிவு படத்தின் தயாரிப்பாளர் போனி கபூர் தனது ட்விட்டர் பக்கத்தில், “கொண்டாட்டம் தொடங்கியது. துணிவு படத்திலிருந்து கேங்க்ஸ்டா பாடல் வெளியானது” என தெரிவித்துள்ளார்.