விஜய் டிவியில் ஏராளமான ரசிகர்களைக் கொண்ட நிகழ்ச்சி என்றால் அது உலக நாயகன் கமல்ஹாசன் தொகுத்து வழங்கும் பிக் பாஸ் நிகழ்ச்சிதான்.
இதுவரை வெளியாகியுள்ள 6 சீசன்களும் மிகப்பெரிய வெற்றியடைந்ததைத் தொடர்ந்து அதன் 7வது சீசன் எப்போது தொடங்கும் என ரசிகர்கள் காத்திருந்தனர். தற்போது அதன் அடுத்த சீசன் எப்போது தொடங்கும் என்ற தகவல் வெளியாகியுள்ளது.
2017ஆம் ஆண்டு முதல் விஜய் டிவியின் வெற்றிகரமான ரியாலிட்டி நிகழ்ச்சிகளில் பிக் பாஸுக்குதான் முதலிடம். விஜய் தொலைக்காட்சியில் இந்த நிகழ்ச்சி எப்போது துவங்கினாலும் அதன் டிஆர்பி என்பது புதிய சிகரத்தை எட்டும்.
இதையும் படிக்க: ஜவான் - எந்தெந்த படங்களிலிருந்து உருவா(வி)னது?
அந்த வகையில் தற்போது அதன் அடுத்த சீசன் விரைவில் துவங்க உள்ளது. இந்த முறையும் கமல்தான் தொகுத்து வழங்கவுள்ளார்.
இந்நிலையில், 7-வது சீசனை தொகுத்து வழங்க நடிகர் கமல்ஹாசனுக்கு ரூ.130 கோடி சம்பளம் தர ஒப்பந்தம் செய்யப்பட்டுள்ளதாக தகவல் வெளியாகியுள்ளது. விக்ரம் படத்தின் மிகப்பெரிய வெற்றியே இவ்வளவு பெரிய சம்பளத்துக்குக் காரணம் எனக் கூறப்படுகிறது.