ஆசியக் கோப்பையில் வைரலாகும் லியோ!

லோகேஷ் கனகராஜ் இயக்கத்தில் நடிகர் விஜய் நடித்துள்ள லியோ படத்தில் த்ரிஷா, சஞ்சய் தத், அர்ஜுன், இயக்குநர்கள் மிஷ்கின், கௌதம் மேனன் உள்ளிட்ட பல பிரபலங்கள் நடித்துள்ளனர்.

இப்படம் வெளியீட்டிற்கு முன்பே முன்பதிவில் இங்கிலாந்தில் 10,000+ அதிகமான டிக்கெட்டுகள் விற்பனையாகி சாதனை படைத்துள்ளது. சமீபத்தில், நடிகர்கள் சஞ்சய் தத் மற்றும் அர்ஜுன் ஆகியோரின் பிறந்தநாள்களை முன்னிட்டு சிறப்பு கிளிம்ப்ஸ் விடியோக்களை படக்குழு வெளியிட்டிருந்தது. 

இதையும் படிக்க: 5வது நாள் வசூல் விவரம்: ரூ.600 கோடியை நெருங்கும் ஜவான்!

முதல் பாடலான ‘நா ரெடி’ வெளியாகி யூடியூப்பில் 100 மில்லியனுக்கு மேல் பார்வையாளர்களை கடந்து நல்ல வரவேற்பைப் பெற்று வருகின்றன. இந்த மாதத்தில் இசை வெளியீட்டு விழா நடக்குமென விஜய் மக்கள் இயக்க நிர்வாகி புஸ்ஸி ஆனந்த் கூறியிருந்தது குறிப்பிடத்தக்கது.

இதையும் படிக்க:  பாகிஸ்தானுக்கு எதிரான வெற்றியை கொண்டாடிய ஜம்மு-காஷ்மீர் மக்கள்! (விடியோ) 

ஆசியக் கோப்பை சூப்பர் 4 சுற்றில் இந்திய அணி இலங்கையுடன் இன்று (செப்.12) மோதியது. முதல் பாதி இறுதியில் மழை குறுக்கிட்டு மீண்டும் தொடங்கியது.  213க்கு ஆல் அவுட்டானது இந்தியா. 

இதையும் படிக்க: மார்க் ஆண்டனி படத்தில் சில்க்காக நடித்தவர் யார் தெரியுமா? 

கிரிக்கெட் போட்டிக்கு நடுவே லியோவில் ‘நா ரெடி’ பாடல் ஒலிபரப்பப்பட்டது. ரசிகர்கள் பாடலுக்கு நடனமாடி உற்சாகமாகினார்கள். இந்த விடியோ இணையத்தில் வைரலாகி வருகிறது.