தமிழில் முகமூடி படத்தின் மூலம் அறிமுகமான பூஜா ஹெக்டே, பீஸ்ட்டில் பலரின் மனதில் இடம் பிடித்தார்.
இதற்கு நடுவில் தெலுங்கு திரையுலகிலும் ஹிந்தியிலும் சில திரைப்படங்களில் நடித்திருந்தார். தெலுங்கில் அல்லு அர்ஜுனுடன் அல வைகுந்தபுரம்லு திரைப்படத்தில் நடித்து தென்னிந்திய நடிகையாக மாறினார். அதனைத் தொடர்ந்து பிரபாஸுடன் ராதே ஷ்யாம், சிரஞ்சீவியுடன் ஆச்சார்யா உள்ளிட்ட படங்களில் நடித்தார்.
இதேபோன்று பாலிவுட்டிலும் ’மொஹஞ்சதாரோ', ‘சர்க்கஸ்’ உள்ளிட்ட படங்களில் நடித்து தனக்கான இடத்தைப் பிடித்திருந்தார். தற்போது, தென்னிந்திய படங்களில் கவனம் செலுத்தி வருகிறார்.
இதற்கிடையே, நடிகை பூஜா ஹெக்டேவும் பாலிவுட் நடிகர் ரோகன் மெஹ்ராவும் காதலித்து வருவதாகக் கூறப்பட்டது.
தற்போது, இருவரும் ஒரே காரில் ஊர் சுற்றும் விடியோ வெளியாகியுள்ளது. இதனால், பூஜா நடிகர் ரோகனைக் காதலிப்பது உண்மைதான் என ரசிகர்கள் கருத்துத் தெரிவித்து வருகின்றனர்.
