நடிகர் சூர்யா கங்குவா படத்தில் நடித்து முடித்துள்ளார். அடுத்ததாக, இயக்குநர் சுதா கொங்காரா படத்தில் நடிக்க உள்ளதாக அறிவிப்பு வெளியானது.
ஆனால், அப்படத்தின் உருவாக்கத்துக்கு நீண்ட நாள் தேவைப்படுவதாக சூர்யா - 43 தயாரிப்பு நிறுவனம் அறிவித்தது.
தொடர்ந்து, இயக்குநர் கார்த்திக் சுப்புராஜ் சூர்யாவின் - 44 படத்தை இயக்கவுள்ளதாக அதிகாரப்பூர்வ அறிவிப்பு வெளியாகி ரசிகர்கள் மத்தியில் கவனத்தை ஈர்த்தது.
தற்போது, இப்படத்திற்காக சூர்யா உடல் எடையைக் குறைத்து வருவதுடன் குதிரையேற்றப் பயிற்சியிலும் ஈடுபட்டு வருகிறார்.
தன் ஒவ்வொரு திரைப்படங்களிலும் தொழில்நுட்ப ரீதியாக அசத்திவரும் கார்த்திக் சுப்புராஜ், முதல்முறையாக சூர்யாவுடன் இணைந்தது எதிர்பார்ப்பை அதிகரித்துள்ளது.
