காதலன் பெயர்கொண்ட நெக்லஸ்.. உண்மையை உடைத்த ஸ்ரீதேவி மகள்

காதலன் பெயர்கொண்ட நெக்லஸ்.. உண்மையை உடைத்த ஸ்ரீதேவி மகள்
Janhvi
Janhvi

ஷிகர் பஹாரியாவுடன் நெருங்கிப் பழகி வரும் ஸ்ரீதேவி மகள் ஜான்வி கபூர், பகிரங்கமாகவே அவருடன் ஊர் சுற்றிவந்த நிலையில் தற்போது அவர் பெயர்கொண்ட நெக்லஸ் அணிந்திருந்தது பெரும் பரபரப்பை ஏற்படுத்தியிருக்கிறது.

தனது தந்தை போனி கபூரின் புதிய தயாரிப்பில் உருவான மைதான் படத்தின் திரையிடல் காட்சிக்கு வந்திருந்த ஜான்வி கபூர், ஷிகர் பஹாரியாவின் பெயர்கொண்ட நெக்லஸ் அணிந்து வந்திருந்தது பலரின் பார்வையிலும் படத் தவறவில்லை.

வெள்ளை நிற உடையில் கண்களைக் கொள்ளைக்கொள்ளும் அழகுடன் வந்திருந்தார் ஜான்வி கபூர். அவர் தனது தந்தை மற்றும் சகோதரர் அர்ஜூன் கபூருடன்தான் வந்திருந்தார். ஆனால், அவரது ரசிகர்கள் பலரும், கழுத்தில் அணிந்திருந்த நெக்லஸ் பற்றியே கேள்வி எழுப்பிக்கொண்டிருந்தனர்.

Janhvi
19 கிலோ கஞ்சா மாயம்: எலிகளுக்கு அதிர்ச்சி கொடுத்த ஜார்க்கண்ட் காவல்துறை

தனது காதலை வெளிப்படுத்தவே இவ்வாறு அவர் நெக்லஸ் அணிந்து வந்திருந்தாகவும் கூட்டத்தில் சலசலப்பு எழுந்தது.

ஏற்கனவே, காஃபி வித் கரன் நிகழ்ச்சியில் பங்கேற்ற ஜான்வி கபூர், ஷிகர் பஹாரியாவின் செல்லப் பெயரான ஷிகு, தனது செல்போனின் மூன்று ஸ்பீட் டயல்களில் ஒன்றாக இருப்பதாகக் குறிப்பிட்டிருந்தார். நிகழ்ச்சி வழங்குநர் கரன் ஜோஹர், உங்கள் செல்போனில் இருக்கும் ஸ்பீட் டயல் லிஸ்ட்டில் இருக்கும் முதல் மூன்று பெயர்களைச் சொல்லுமாறு கேட்டதற்கும், அவர் சற்றும் தயங்காமல் அப்பா, குஷு, ஷிகு என்று பதிலளித்திருந்தார்.

ஷிகருடனான தனது நெருக்கத்தை பகிர்ந்துகொள்ள எப்போதும் ஜான்வி தயங்கியதேயில்லை. அவ்வளவுஏன், தன் மகளின் காதலை, அவரது தந்தை போனி கபூரே அண்மையில் வெளிப்படையாகவே பேசியிருந்தார்.

இந்த நிலையில்தான், கடந்த ஏப்ரல் 3ஆம் தேதி ஷிகர் தனது பிறந்தநாளைக் கொண்டாடியபோது, ஜான்வி சமூக வலைத்தளங்களில் பிறந்தநாள் வாழ்த்து எதையும் தெரிவிக்காமல் இருந்தது அவரது ரசிகர்களை ஆச்சரியத்தில் ஆழ்த்தியிருந்தது குறிப்பிடத்தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com