வெங்கடேஷ் பட்டின் புதிய சமையல் நிகழ்ச்சி அறிவிப்பு!

சமையல் கலைஞர் வெங்கடேஷ் பட்டின் புதிய சமையல் நிகழ்ச்சி அறிவிப்பு வெளியாகியுள்ளது.

சமையல் கலைஞராகவும், தொலைக்காட்சியில் ஒளிபரப்பாகும் நிகழ்ச்சி மூலமாகவும் பிரபலமானவர் வெங்கடேஷ் பட்.

குக் வித் கோமாளி நிகழ்ச்சியில் இருந்து விலகுவதாக வெங்கடேஷ் பட் விடியோ வெளியிட்டு அறிவித்தார்.

இதனைத் தொடர்ந்து, கிட்டதட்ட 25 ஆண்டுகளாக விஜய் டிவியின் ஒரு அங்கமாக இருந்த மீடியா மேசன்ஸ் தயாரிப்பு நிறுவனம் விஜய் டிவியில் இருந்தே விலகுவதாக அந்நிறுவனத்தின் முக்கிய நபரான ரைவ்ஃபா தெரிவித்திருந்தார்.

இந்நிலையில், மீடியா மேசன்ஸ் நிறுவனமும், வெங்கடேஷ் பட்டும் இணைந்து சன் தொலைக்காட்சியில் இணைந்து புதிய சமையல் நிகழ்ச்சியை தொடங்கவுள்ளனர்.

இந்நிலையில், வெங்கடேஷ் பட் தனது இன்ஸ்டாகிராம் பக்கத்தில், இன்று(ஏப். 28) காலை 8 மணியிலிருந்து உங்களுக்கு ஆச்சரியம் காத்திருக்கிறது என்று தெரிவித்துள்ளார்.

நேற்று(ஏப்ரல் 27) குக் வித் கோமாளி நிகழ்ச்சி தொடங்கிய நிலையில், அந்நிகழ்ச்சிக்கு போட்டியாக சன் தொலைக்காட்சியில் புதிய சமையல் நிகழ்ச்சி தொடங்கவுள்ளது ரசிகர்களிடையே பெரும் எதிர்பார்ப்பை அதிகரித்துள்ளது.