400 திரைகளில் மறுவெளியீடான சூப்பர் டீலக்ஸ்!

தேசிய விருது வென்ற இயக்குநர் தியாகராஜன் குமாராஜா இயக்கத்தில் 2019ஆம் ஆண்டு வெளியான திரைப்படம் சூப்பர் டீலக்ஸ்.

இந்தப் படத்தில் விஜய் சேதுபதி, ஃபகத் ஃபாசில், சமந்தா, ரம்யா கிருஷ்ணன், மிஷ்கின், காயத்ரி நடித்திருந்தார்கள்.

இந்தப் படம் விமர்சன ரீதியாக நல்ல வரவேற்பை பெற்றாலும் வசூலில் பெரிதாக சாதனை புரியவில்லை.

ஆஸ்கருக்கு அனுப்பியிருக்க வேண்டிய படமென பலரும் இந்தப் படத்தை புகழ்ந்தார்கள்.

இந்நிலையில் இந்தப்படம் தெலங்கானா, ஆந்திர பிரதேசத்தில் 400 திரைகளில் நேற்று (ஆக.9) வெளியாகியுள்ளன.

தெலுங்கில் இந்த வாரம் பெரிய திரைப்படங்கள் எதுவும் வெளியாகாத நிலையில் இந்தப் படம் மறுவெளியீடானதாக தகவல்கள் தெரிவிக்கின்றன.