வாடிவாசல் அப்டேட்!

வாடிவாசல் திரைப்படத்தின் படப்பிடிப்பு குறித்து தகவல் வெளியாகியுள்ளது.

கங்குவா படப்பிடிப்பு முடிந்ததும் நடிகர் சூர்யா இயக்குநர் வெற்றிமாறன் இயக்கத்தில் வாடிவாசல் படத்தில் நடிப்பார் என எதிர்பார்க்கப்பட்டது. ஆனால், வெற்றிமாறன் விடுதலை - 2 படப்பிடிப்பில் தீவிரமாக இருந்தார்.

அதனால், கங்குவாக்குப் பின் இயக்குநர் கார்த்திக் சுப்புராஜ் படத்தில் சூர்யா நடித்து முடித்து தற்போது ஆர். ஜே. பாலாஜி இயக்கத்தில் நடித்து வருகிறார்.

இதையும் படிக்க: டூரிஸ்ட் ஃபேமிலி: சசிகுமார்-சிம்ரன் நடிக்கும் புதிய படத் தலைப்பு

இதற்கிடையே, வாடிவாசல் திரைப்படம் கைவிடப்பட்டதாகத் தகவல் வெளியானது. ஆனால், அது உண்மையில்லை என படக்குழுவினர் மறுப்பு தெரிவித்துடன் இயக்குநர் வெற்றிமாறனும் விடுதலை - 2க்குப் பின் அப்படத்தின் பணிகளைத் துவங்குவதாகக் கூறியிருந்தார்.

இந்த நிலையில், வாடிவாசல் படத்தின் படப்பிடிப்பு அடுத்தாண்டு மார்ச் மாதம் துவங்கவுள்ளதாகத் தகவல் கிடைத்துள்ளது. சூர்யா - 45 படத்தைத் தொடர்ந்து இப்படத்தின் பணிகள் துவங்கும் எனத் தெரிகிறது.