வெயில் படத்தின் மூலம் இசையமைப்பாளராக அறிமுகமான ஜி.வி.பிரகாஷ் தேசிய விருது உள்பட பல விருதுகளை பெற்றுள்ளார். பல அற்புதமான பாடல்களை இசையமைத்தவர் தற்போது நடிகராகவும் 24 படங்களில் நடித்துள்ளார்.
சினிமாவில் வாய்ப்பு தேடி வருபவர்களுக்கென பிரத்யோகமாக உருவாக்கப்பட்ட ஸ்டார் டா என்ற செயலி அறிமுக விழாவில் இசையமைப்பாளரும் நடிகருமான ஜி.வி.பிரகாஷ் பங்கேற்று பேசினார். அதில் அவர் பேசியதாவது:
இதையும் படிக்க: அன்புத் தாய் ஐஸ்வர்யாவுக்கு அன்பு சலாம்: நடிகர் ரஜினி வாழ்த்து!
நான் சிறிய வயதிலிருந்தே சினிமாவில் பணியாற்றி வருகிறேன். என்னுடன் முதல்முறையாக பணியாற்றியவர்களே அதிகம். வெற்றிமாறன், அட்லி, ஏ.எல்.விஜய் உள்பட பலருடன் பணியாற்றியுள்ளேன். புதியதாக வருபவர்களுடன் பணியாற்றுவது மிகவும் பிடிக்கும். நான் நடித்த 23 படங்களில் 17 படங்கள் புதியதாக முதல்முறையாக இயக்குநராக அறிமுகமானவர்களே இருந்தார்கள். புதிய நடிகைகள், பாடகர்கள் என பலருடன் பணியாற்றியுள்ளேன்.
இதையும் படிக்க: கல்கி படத்தில் இணைந்த அன்னா பென்!
குளிர்பானம், சூதாட்டம் போன்ற விளம்பரங்களில் நடிக்க பல கோடி ரூபாய் சம்பளத்துடன் எனக்குப் பலமுறை அழைப்பு வந்தன. ஆனால், நான் அதையெல்லாம் மறுத்துவிட்டேன். விளையாட்டு தொடர்பான விளம்பரங்களில் நடித்துள்ளேன். இப்போது திரைக் கலைஞர்களுக்கான வாய்ப்பை உருவாக்கும் செயலியை விளம்பரப்படுத்துகிறேன் எனக் கூறியுள்ளார்.
ஜி.வி.பிரகாஷ்குமாரின் பேரலல் யூனிவர்ஸ் பிக்சர்ஸ் மற்றும் ஜீ ஸ்டூடியோஸ் இணைந்து தயாரிக்கும் ஜிவி 25 படத்தை கமல் பிரகாஷ் எழுதி, இயக்குகிறார்.
கடந்த 2021 ஆம் ஆண்டு ஜி.வி.பிரகாஷ்குமார் மற்றும் திவ்யபாரதி நடிப்பில் வெளியான பேச்சிலர் திரைப்படம் ரசிகர்களிடையே நல்ல வரவேற்பை பெற்றது. இப்படத்தில் நடித்த திவ்யபாரதி, ஜிவி 25 படத்திலும் கதாநாயகியாக நடிக்கிறார்.