இயக்குநர் விக்னேஷ் கார்த்திக் இயக்கத்தில் புதிய படத்தின் போஸ்டர் வெளியாகியுள்ளது.
நடிகை ஐஸ்வர்யா ராஜேஷின் திட்டம் இரண்டு படத்தினை இயக்கியவர் விக்னேஷ் கார்த்திக். இந்தப் படம் நல்ல வரவேற்பினைப் பெற்றது. சமீபத்தில் இதே மாதிரி சென்னையில் ஒரு ஐடி பெண்ணை கொலை செய்த சம்பவம் நிகழ்ந்தது குறிப்பிடத்தக்கது.
திட்டம் இரண்டு படத்துக்குப் பிறகு அடியே படத்தினை இயக்கினார். ஜி.வி.பிரகாஷ், கௌரி கிஷன் நடித்த இந்தப் படமும் ரசிகர்களிடையே நல்ல வரவேற்பினைப் பெற்றது.
தற்போது புதிய படம் ஒன்றினை இயக்கியுள்ளார் விக்னேஷ் கார்த்திக். இதற்கு ஹாட் ஸ்பாட் எனப் பெயர்ட்டுள்ளார்கள். இதில் நடிகர்கள் கலையரசன், டான்ஸ் மாஸ்டர் சாண்டி, ஆதித்யா பாஸ்கர், சுபாஷ் செல்வம் இவர்களுடன் நடிகைகள் கௌரி கிஷன், அம்மு அபிராமி, ஜனனி ஆகியோர் நடித்துள்ளனர்.
சிக்ஸர் என்டர்டெயின்மென்ட் தயாரித்துள்ள இந்தப் படம் வரும் மார்ச் மாதம் திரைக்கு வருமென படக்குழு தெரிவித்துள்ளது.
சதீஷ் ரகுநாதன் இசையமைத்துள்ளார். கோகுல் பினோய் ஒளிப்பதிவு செய்துள்ளார்.
இந்தப் படத்துக்கு நடிகை ஐஸ்வர்யா ராஜேஷ் வாழ்த்து தெரிவித்துள்ளார். இதற்கு இயக்குநர், “எனது நாயகிக்கு நன்றி” என பதிலளித்துள்ளார்.