காற்றுக்கென்ன வேலி, சிவகாமி உள்ளிட்ட தொடரிகளில் நடித்து பிரபலமானவர் நடிகை ப்ரீத்தா ரெட்டி. இவர் டிஆர்பியில் முன்னிலையில் இருக்கும் சிறகடிக்க ஆசை தொடரில் சுருதி பாத்திரத்தில் நடித்து வருகிறார்.
இத்தொடர் ரசிகர்கள் மத்தியில் பிரபலமாகி வருகிறது. சிறகடிக்க ஆசை தொடரை பார்ப்பதற்கென்றே தனி ரசிகர்கள் பட்டாளமே உள்ளது. அதிலும் சுருதி பாத்திரம் இத்தொடருக்கு வலுவானதாக அமைந்துள்ளது.
அதேபோல், ப்ரீத்தா ரெட்டி சன் தொலைக்காட்சியில் ஒளிபரப்பாகி வரும் இனியா தொடரில் நாயகனின் தங்கை வேடத்தில் நடித்து வருகிறார். இத்தொடரிலும் இவர் பிரதான வேடத்தில் நடித்து வருகிறார்.
இந்நிலையில், இரு தொடர்களிலும் ஒரே நேரத்தில் நடிக்க முடியாமல் இருப்பதால், இனியா தொடரில் இருந்து ப்ரீத்தா ரெட்டி விலகவுள்ளதாக தகவல் வெளியாகியுள்ளது.
இனியா தொடரை விட சிறகடிக்க ஆசை தொடர் டிஆர்பியில் முன்னிலையில் இருப்பதால், ப்ரீத்தா இனியா தொடரில் இருந்து விலக முடிவு செய்துள்ளதாக கூறப்படுகிறது. எனினும் இது குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
