மாயாண்டி குடும்பத்தார் - 2 படத்தின் அதிகாரப்பூர்வ அறிவிப்பு வெளியாகியுள்ளது.
மறைந்த இயக்குநர் ராசு மதுரவனின் இயக்கத்தில் கடந்த 2009-ல் வெளியான திரைப்படம் மாயாண்டி குடும்பத்தார். இப்படத்தில் மணிவண்ணன், சீமான், தருண் கோபி, பொண்வண்ணன் உள்ளிட்டோர் பிரதான கதாபாத்திரத்தில் நடித்திருந்தனர்.
இப்படம் வெளியாகி ரசிகர்கள் மத்தியில் நல்ல வரவேற்பினைப் பெற்றது. தமிழ்நாடு அரசின் சிறந்த திரைப்படத்திற்கான விருதில் 2 ஆம் பரிசை மாயாண்டி குடும்பத்தார் திரைப்படத்துக்கு கிடைத்தது.
இந்நிலையில், மாயாண்டி குடும்பத்தார் படத்தின் இரண்டாம் பாகம் அறிவிப்பு வெளியாகியுள்ளது. இப்படத்தை முதல் பாகத்தை தயாரித்த யுனைடெட் ஆர்ட்ஸ் நிறுவனம் இரண்டாம் பாகத்தை தயாரிக்கிறது.
இதையும் படிக்க: இந்த வாரம் ஓடிடியில் வெளியாகும் திரைப்படங்கள்!
மாயாண்டி குடும்பத்தார் முதல் பாகத்தில் நடித்த கே.பி. ஜெகன் இப்படத்தை இயக்குகிறார். அரசியல் சுறுசுறுப்பாக இயங்கி கொண்டிருக்கும் சீமான், இப்படத்தின் மூலம் மீண்டும் நடிகராக களமிறங்குகிறார்.