கமல்ஹாசன் - மணிரத்னம் கூட்டணியில் 1987ல் வெளியான 'நாயகன்' திரைப்படம் மாபெரும் வெற்றி பெற்றது. இதைத் தொடர்ந்து 35 ஆண்டுகளுக்குப் பிறகு இந்தக் கூட்டணி மீண்டும் இணைகிறது.
தக் லைஃப் என பெயரிடப்பட்டுள்ள இப்படத்திற்கு ஏ. ஆர். ரஹ்மான் இசை அமைக்கிறார். படத்தை உதயநிதி ஸ்டாலினின் ரெட் ஜெயண்ட் மூவிஸ், கமலின் ராஜ்கமல் நிறுவனம், மணிரத்னத்தின் மெட்ராஸ் டாக்கீஸ் நிறுவனம் ஆகியவை இணைந்து தயாரிக்கின்றன.
தக் லைஃப் அறிமுக விடியோ வெளியாகி ரசிகர்களைக் கவர்ந்த நிலையில், இப்படத்தின் படப்பிடிப்பு இன்று துவங்கியுள்ளதாகத் அறிவிக்கப்பட்டுள்ளது.
இப்படத்தில் கமல்ஹாசனுடன் நடிகர்கள் ஜெயம் ரவி, துல்கர் சல்மான், ஜோஜு ஜார்ஜ், கௌதம் கார்த்திக், நடிகைகள் திரிஷா, ஐஸ்வர்யா லெக்ஷ்மி உள்ளிட்டோர் நடிக்கின்றனர்.