சூரரைப் போற்று ஹிந்தி ரீமேக் வரவேற்பு எப்படி?

நடிகர் சூர்யா நடித்த சூரரைப் போற்று படத்தின் ஹிந்தி ரீமேக்கான சர்ஃபிரா திரையரங்குகளில் வெளியாகியுள்ளது.

சுதா கொங்கரா இயக்கத்தில் சூர்யா நடிப்பில் 2020ஆம் ஆண்டு நேரடியாக அமேசான் ப்ரைமில் வெளியாகி பெரும் வரவேற்பை பெற்ற படம் சூரரைப் போற்று. இந்த படத்திற்காக சூர்யாவுக்கும் சுதா கொங்காராவுக்கும் தேசிய விருதுகளும் கிடைத்தன.

தமிழில் பெற்ற வரவேற்பை தொடர்ந்து ஹிந்தி ரீமேக்கை சுதா கொங்கரா இயக்கினார். சர்ஃபிரா எனப் பெயரிடப்பட்ட இந்தப் படத்தில் சூர்யா கதாபாத்திரத்தில் நடிகர் அக்சய் குமார் நடித்துள்ளார். சூர்யா இணை தயாரிப்பாளராக இணைந்தார்.

சர்ஃபிரா, இந்தியன் - 2 திரைப்படத்துடன் வெள்ளிக்கிழமை (ஜூலை 12) திரையரங்குகளில் வெளியானது. சூரரைப் போற்று அளவிற்கு இல்லையென்றாலும் ஹிந்தியில் நல்ல விமர்சங்களையே பெற்று வருகிறது.

படத்தின் கதைக்காவே இப்படமும் வெற்றி பெரும் என எதிர்பார்க்கப்படுகிறது. ஆனால், முதல் நாள் வசூலாக ரூ.3 கோடிக்கும் குறைவாகவே இப்படம் வசூலித்திருப்பதாகவும் கூறப்படுகிறது.