எதிர்நீச்சல் தொடரில் நடித்துவரும் நடிகை சத்யப்பிரியா இன்று தனது 72வது பிறந்தநாளைக் கொண்டாடுகிறார். அவருக்கு சின்னத்திரை பிரபலங்கள் பலரும் வாழ்த்து தெரிவித்து வருகின்றனர்.
எதிர்நீச்சல் தொடரின் நாயகி மதுமிதா புகைப்படம் பதிவிட்டு சத்யப்பிரியாவுக்கு பிறந்தநாள் வாழ்த்து தெரிவித்துள்ளார்.
சன் தொலைக்காட்சியில் ஒளிபரப்பாகிவரும் எதிர்நீச்சல் தொடரில் ஆதி குணசேகரனின் தாயாக நடிகை சத்யப்பிரியா நடித்து வருகிறார். 2022 முதல் ஒளிபரப்பாகிவரும் எதிர்நீச்சல் தொடரில் தொடக்கம் முதலே நடித்துவரும் நடிகைகளில் சத்யப்பிரியாவும் ஒருவர்.
எதிர்நீச்சல் தொடரை இயக்குநர் திருமுருகன் இயக்கிவருகிறார். திருமுருகன் முன்பு இயக்கிய கோலங்கள் தொடரிலும் நடிகை சத்யப்பிரியா நாயகி தேவையானியின் தாயாக நடித்திருந்தார்.
கடந்த 2003 முதல் சின்னத்திரை தொடர்களில் நடிகை சத்யப்பிரியா நடித்து வருகிறார். ராஜ் தொலைக்காட்சியின் இதோ பூபாலம் தொடர் மூலம் சின்னத்திரையில் அறிமுகமாகி, கோலங்கள், வம்சம், சித்திரம் பேசுதடி, மகாலட்சுமி, அவளும் நானும் உள்ளிட்ட 20க்கும் மேற்பட்ட தொடர்களில் நடித்துள்ளார்.
தமிழ், தெலுங்கு, மலையாளம், கன்னடத் திரைப்படங்களில் நாயகியாக நடித்த சத்யப்பிரியா, குணச்சித்திர வேடங்களிலும், வில்லியாகவும் நடித்துள்ளார். பல தெலுங்கு படங்களுக்கு பின்னணிக் குரல் கலைஞராகவும் பணிபுரிந்துள்ளார்.
தற்போது முழுக்க முழுக்க சின்னத்திரையில் நடித்துவரும் சத்யப்பிரியா, இன்று 72வது பிறந்தநாளைக் கொண்டாடுகிறார். அவருக்கு சின்னத்திரை பிரபலங்கள் பலரும் வாழ்த்து தெரிவித்து வருகின்றனர்.