விடுதலை - 2 படத்தில் எஸ்.ஜே.சூர்யா?

நடிகர் எஸ்.ஜே.சூர்யா விடுதலை - 2 படப்பிடிப்பில் இணைய உள்ளதாகத் தகவல் வெளியாகியுள்ளது.
விடுதலை - 2 படத்தில் எஸ்.ஜே.சூர்யா?

இயக்குநர் வெற்றிமாறன் இயக்கத்தில் வெளியான விடுதலை முதல் பாகத்தில் நடிகர் சூரி முதன்மை கதாபாத்திரத்திலும்  விஜய் சேதுபதி  முக்கியக் கதாபாத்திரத்தில் நடித்திருந்தனர்.

இந்தப் படம் வெளியாகி கலவையான விமர்சனங்களை பெற்றாலும் வசூல் ரீதியாக வெற்றிப்படமாகவே அமைந்தது.

இப்படத்தின் இரண்டாம் பாகத்திற்காக மீதமுள்ள காட்சிகளுக்கான படப்பிடிப்பு மீண்டும் துவங்கியுள்ளது. இதில், நடிகர்கள் சூரி மற்றும் விஜய் சேதுபதிக்கான காட்சிகள் எடுக்கப்பட்டு வருகின்றன.

இதற்கிடையே, நடிகர் விஜய் சேதுபதி வேறு படங்களில் நடித்து வருவதால் அவரின் தேதி கிடைக்காமல் விடுதலை - 2 படப்பிடிப்பு தாமதமாகி வருகிறதாம். இதனால், இப்படம் இந்தாண்டு இறுதியில்தான் திரைக்கு வரும் என எதிர்பார்க்கப்படுகிறது.

விடுதலை - 2 படத்தில் எஸ்.ஜே.சூர்யா?
ஜூனில் தங்கலான்!

மேலும், இப்பாகத்தில் விஜய் சேதுபதிக்கு மனைவியாக நடிகை மஞ்சு வாரியர் நடிப்பதாகவும் இருவருக்குமான காட்சிகள் 1960களில் நடப்பது போன்று காட்சிப்படுத்தப்பட உள்ளதால் இருவரின் தோற்றத்தையும் இளமையாகக் காட்ட டீஏஜிங் தொழில்நுட்பத்தைப் பயன்படுத்த வெற்றிமாறன் முடிவு செய்துள்ளதாகவும் கூறப்படுகிறது.

இந்த நிலையில், நடிகர் எஸ்.ஜே.சூர்யா விடுதலை - 2 பாகத்தில் சிறப்பு தோற்றத்தில் நடிக்க உள்ளதாக புதிய தகவல் வெளியாகியுள்ளது.

எஸ்.ஜே.சூர்யா நடிப்பில் இறுதியாக வெளியான மார்க் ஆண்டனி, ஜிகர்தண்டா டபுள் எக்ஸ் திரைப்படங்கள் பெரிய வெற்றியைப் பதிவு செய்தது குறிப்பிடத்தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com