இயக்குநர் சுகுமார் இயக்கத்தில் அல்லு அர்ஜுன் நடிப்பில் உருவான புஷ்பா - 2 படத்தின் படப்பிடிப்பு நீண்ட நாள்களாக நடைபெற்று வந்தது. ஹைதராபாத் மற்றும் வெளிநாடுகளில் திட்டமிட்டபடி படப்பிடிப்பை நடத்தினாலும் சில பிரச்னைகளால் தாமதமானது.
இதற்கிடையே, மூன்று முறைக்கு மேல் படத்தின் வெளியீட்டுத் தேதியும் மாற்றப்பட்டு இறுதியா டிச. 5 ஆம் தேதி உலகளவில் 11,000 திரைகளில் வெளியிட தயாரிப்பு நிறுவனம் முடிவு செய்துள்ளது.
இதன் டிரைலர் சமீபத்தில் வெளியாகி 100 மில்லியன் (10 கோடி) வரை டிரைலருக்கான பார்வைகள் கிடைத்துள்ளன.
பெரிய பொருள் செலவில் எடுக்கப்பட்ட படமென்பதால் காட்சிகள் பிரம்மாண்டமாக இருக்கின்றன. குறிப்பாக, அல்லு அர்ஜுன் மற்றும் ஃபஹத் ஃபாசிலுக்கு இடையேயான வசனங்கள் ரசிகர்களிடம் வைராகியுள்ளன.
இந்த நிலையில் படத்தின் ரன்னிங் டைம் 3 மணி நேரம் 21 நிமிஷங்கள் என தகவல் வெளியாகியுள்ளது.
அனிமல் படமும் இதே அளவுக்கு வெளியானாலும் அதன் பரபரப்பான திரைக்கதையினால் நல்ல வரவேற்பு கிடைத்தது. சில படங்கள் 2 மணி நேரம் 30 நிமிடம் என்றாலும் 4 மணி நேரம்போல தோன்றுவதுண்டு.
தமிழில் சமீபத்தில் வெளியான சில திரைப்படங்கள் வெளியீட்டுக்குப் பிறகு படத்தின் நீளத்தை குறைத்த நிகழ்வுகளும் குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.