குத்துச்சண்டை வீரராக ஆண்டனி வர்கீஸ்!

மலையாளத்தில் 2017இல் வெளியாகி மிகப்பெரிய வெற்றியைப் பெற்ற அங்கமாலி டைரீஸ் படத்தின் மூலம் நாயகனாக அறிமுகமானவர் நடிகர் ஆண்டனி வர்கீஸ்.

இதனைத் தொடர்ந்து ஜல்லிக்கட்டு, அஜகஜந்தாரம் ஆகிய படங்களில் கவனம் பெற்றார்.

கடந்தாண்டு ஆர்டிஎக்ஸ் படத்தில் நடித்திருந்தார். தமிழ் சண்டைப் பயிற்சியாளர்களான அன்பறிவு மாஸ்டர்கள் உடன் சாம் சிஎஸ் பின்னணி இசையும் கவனம் பெற்றது.

இந்நிலையில், ஆண்டனி வர்கீஸின் பிறந்தநாளை முன்னிட்டு தாவீத் என்ற புதிய படத்தின் போஸ்டரை வெளியிட்டுள்ளார்கள்.

கோவிந்த் விஷ்ணு இயக்கியுள்ள இந்தப் படத்தை பனோரமா ஸ்டூடியோஸ், சென்ட்சுரி மாக்ஸ் ஜான் மாரி புரடக்‌ஷன்ஸ் எல்எல்பி இணைந்து தயாரித்துள்ளது.

இந்தப் படத்துக்கு ஜஸ்டின் வர்கீஸ் இசையமைக்கிறார். ஆஷிக் அபு கதாபாத்திரத்தில் ஆண்டனி வர்கீஸ் நடித்துள்ளதாக படக்குழு போஸ்டரில் தெரிவித்துள்ளது.