வேட்டையன்: மஞ்சு வாரியர் கதாபாத்திர அறிமுக விடியோ!

ஜெய்பீம் படத்தின் மூலம் கவனம் பெற்ற இயக்குநர் த.செ. ஞானவேல் இயக்கத்தில் நடிகர் ரஜினிகாந்த் வேட்டையன் திரைப்படத்தில் நடித்துள்ளார்.

அனிருத் இசையமைத்துள்ள இந்தப் படத்தை லைகா நிறுவனம் தயாரித்துள்ளது.

இதில், நடிகர்கள் அமிதாப் பச்சன், ஃபஹத் ஃபாசில், ராணா டக்குபதி, மஞ்சு வாரியர், துஷாரா விஜயன் உள்ளிட்ட பலர் முக்கிய கதாபாத்திரங்களில் நடித்துள்ளனர்.

இதையும் படிக்க: முஸ்லிம் நண்பர்களை புறக்கணித்தேனா? வாழை 2 உறுதி..! மாரி செல்வராஜ் அதிரடி!

இறுதிகட்ட தயாரிப்பு பணிகள் நடைபெற்று வரும் வேளையில், இத்திரைப்படம் வருகிற அக்டோபர் 10 அன்று திரையரங்குகளில் வெளியாகவிருக்கிறது.

வேட்டையன் படத்தின் முதல் பாடல் ‘மனசிலாயோ’ சில நாள்களுக்கு முன் வெளியாகி வரவேற்பைப் பெற்றுள்ளது.

நேற்று, துஷாரா விஜய் ‘சரண்யா’ கதாபாத்திரத்திலும், ரித்திகா சிங் ’ரூபா’ கதாபாத்திரத்திலும் நடித்துள்ளதாக படக்குழு விடியோ வெளியிட்டிருந்தது.

இதையும் படிக்க: கடன் பிரச்னையால் படங்கள் இயக்கவில்லை...! இயக்குநர் சசிகுமார் பகிர்ந்த துயரக் கதை!

இந்நிலையில், நடிகை மஞ்சு வாரியர் ‘தாரா’ எனும் கதாபாத்திரத்தில் நடித்துள்ளதாக படக்குழு விடியோ வெளியிட்டுள்ளது.

இந்தப் படத்தில் மஞ்சு வாரியர் ரஜினிக்கு ஜோடியாக நடித்துள்ளார்.