நடிகர் மோகன்லாலின் துடரும் திரைப்படம் ரூ. 100 கோடி வசூலைப் பெற்றுள்ளது.
மலையாள சினிமாவில் சூப்பர் ஸ்டாராக இருப்பவர் நடிகர் மோகன்லால். அண்மையில், இவர் நடிப்பில் வெளியான எம்புரான் திரைப்படம் ரூ. 250 கோடிக்கும் மேல் வசூலித்து பலரையும் ஆச்சரியப்படுத்தியது.
இதற்கிடையே, ’சவுதி வெள்ளக்கா' பட இயக்குநர் தருண் மூர்த்தி இயக்கத்தில் நடிகர்கள் மோகன்லால் - ஷோபனா இருவரும் இணைந்து நடித்த ’துடரும்’ படத்தின் படப்பிடிப்பும் முடிவடைந்தது.
கார் ஓட்டுநரான மோகன்லால் தன் மனைவி குழந்தைகளுடன் எளிமையாக வாழ்ந்து வருகிறார். இந்தச் சூழலில் நாயகன் எதிர்கொள்ளும் பிரச்னையும் அதன் தீர்வுகளுமாக உருவான இப்படம் கடந்த வெள்ளிக்கிழமை வெளியானது.
குடும்பப் பின்னணியில் எமோஷனல் கதையைப் பேசிய இப்படம் மோகன்லாலின் நடிப்பால் ரசிகர்களிடம் பெரிய வரவேற்பைப் பெற்றுள்ளது. இதனால், படத்திற்குக் கூடுதல் திரைகள் ஒதுக்கப்பட்டுள்ளன.
இந்த நிலையில், இப்படம் வெளியான 6 நாள்களிலேயே ரூ. 100 கோடி வசூலைப் பெற்று அசத்தியுள்ளது. இந்த வார இறுதியில் மேலும் வசூலைக் குவிக்கலாம் என எதிர்பார்க்கப்படுகிறது.
இதையும் படிக்க: சசிகுமார், நானிக்கு வாழ்த்து தெரிவித்த சூர்யா!
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.