சசிகுமார், நானிக்கு வாழ்த்து தெரிவித்த சூர்யா!

நடிகர் சூர்யா ரெட்ரோவுடன் வெளியாகும் மற்ற திரைப்படங்களுக்கும் வாழ்த்து தெரிவித்துள்ளார்.

நடிகர் சூர்யா நடித்த ரெட்ரோ, நானியின் ஹிட் - 3, சசிகுமாரின் டூரிஸ்ட் ஃபேமிலி, ரெய்டு - 2 ஆகிய திரைப்படங்கள் நாளை (மே. 1) திரையரங்குகளில் வெளியாகின்றன.

இதில், ரெட்ரோ திரைப்படம் 3000-க்கும் அதிகமான திரைகளில் வெளியாவதால் படத்தின் மீதான எதிர்பார்ப்பும் அதிகரித்துள்ளது.

நானியின் ஹிட் - 3 படத்திற்கும் தெலுங்கு ரசிகர்கள் காத்திருக்கின்றனர். நடிகர்கள் சசிகுமார், சிம்ரன் நடித்த டூரிஸ்ட் ஃபேமிலி திரைப்படம் வெளியாவதற்கு முன்பே பல பாராட்டுகளைப் பெற்றதால் படம் குறித்த ஆவல் ரசிகர்களிடம் எழுந்துள்ளது.

இந்த நிலையில், நடிகர் சூர்யா நாளை வெளியாகும் அனைத்து படங்களுக்கும் அதில் நடித்தவர்களுக்கும் தன் வாழ்த்துகளைத் தெரிவித்ததுடன் அப்படங்கள் ரசிகர்களுக்கு பொழுதுபோக்காக அமைந்து வெற்றி பெற வேண்டும் என்கிற தன் விருப்பத்தையும் பகிர்ந்துள்ளார்.

இதையும் படிக்க: 30 நாளில் படப்பிடிப்பை முடிந்த பிரம்மயுகம் இயக்குநர்!