ஏகே - 64 இயக்குநர் இவர்தானாம்!

நடிகர் அஜித் குமார் நடிக்கும் அவரது 64-வது பட இயக்குநர் குறித்து தகவல் வெளியாகியுள்ளது.

விடாமுயற்சியின் தோல்வியைத் தொடர்ந்து நடிகர் அஜித் நடிப்பில் வெளியான குட் பேட் அக்லி திரைப்படம் ரசிகர்களைக் கவர்ந்ததுடன் மறுமுறை பார்ப்பதற்கான ஆவலையும் ஏற்படுத்தியதால் இப்படம் ரூ. 250 கோடிக்கும் அதிகமாக வசூலித்து அசத்தியது.

அதேநேரம், இந்த வெற்றிக் கொண்டாட்டங்கள் எதுவுமின்றி அஜித் அடுத்த கார் பந்தயத்துக்கு பயிற்சி எடுத்து வருகிறார்.

இதற்கிடையே, அஜித்தின் 64-வது படத்தை யார் இயக்குவார் என்கிற கேள்விகளும் வட்டமடித்து வருகின்றன. இதற்கான பட்டியலில் இயக்குநர்கள் கார்த்திக் சுப்புராஜ், வெங்கட் பிரபு, ஷங்கர், பிரசாந்த் நீல், ஆதிக் ரவிச்சந்திரன் ஆகியோரின் பெயர்கள் இருந்தன.

இந்த நிலையில், ஏகே - 64 படத்தை இயக்குநர் ஆதிக் ரவிச்சந்திரன் இயக்கவுள்ளது உறுதியாகியுள்ளதாம். குட் பேட் அக்லி படத்தைத் தயாரித்த மைத்ரி மூவி மேக்கர்ஸ் நிறுவனமே இப்படத்தையும் தயாரிக்கத் திட்டமிட்டுள்ளனர். விரைவில், அதிகாரப்பூர்வ அறிவிப்பு வெளியாகும் எனத் தகவல்கள் தெரிவிக்கின்றன.

இதையும் படிக்க: ஒரு சித்தப்பாவாக என் மகன் சிவராஜ்குமாரை வாழ்த்துகிறேன்: கமல் ஹாசன்