குப்பை! மணிரத்னத்தைக் கடுமையாக விமர்சிக்கும் ரசிகர்கள்!

முத்த மழை பாடலின் விடியோவும் எதிர்மறையான விமர்சனங்களைப் பெற்று வருகிறது.

இயக்குநர் மணிரத்னம் இயக்கத்தில் நடிகர்கள் கமல் ஹாசன், சிலம்பரசன் நடிப்பில் உருவான தக் லைஃப் திரைப்படம் ஜுன். 5 ஆம் தேதி வெளியானது.

படத்தின் கதை மற்றும் சிம்பு, த்ரிஷாவின் கதாபாத்திரங்கள் அளித்த ஏமாற்றம் என பல விஷயங்கள் ரசிகர்களிடம் அதிருப்தியை ஏற்படுத்தியதால் இப்படம் இந்தியளவில் ரூ. 50 கோடிகூட வசூலிக்காமல் தோல்விப்படமானது.

மேலும், இப்படத்தில் ஏ. ஆர். ரஹ்மான் இசையமைப்பில் சிவா ஆனந்த் எழுதிய முத்த மழை பாடல் சின்மயி குரலால் பெரும் கவனம் பெற்றது. ஆனால், படத்தில் விடியோ வடிவில் பாடல் பயன்படுத்தப்படவில்லை. இது ரசிகர்களிடம் பெரிய ஏமாற்றத்தை அளித்தது.

இந்த நிலையில், தமிழில் பாடகி தீ குரலில் த்ரிஷாவுக்கான முத்த மழை பாடலின் விடியோ வடிவத்தை நேற்று (ஜூன் 14) வெளியிட்டிருந்தனர்.

தீ நல்ல பாடகிதான் என்றாலும் த்ரிஷாவின் தோற்றத்தில் அவர் குரல் சரியாகப் பொருந்தவில்லை. மேலும், பாடலை காட்சிப்படுத்திய விதமும் ரசிகர்களுக்கு எரிச்சலைக் கொடுத்ததால் இயக்குநர் மணிரத்னத்தைக் கடுமையாக விமர்சித்து வருகின்றனர்.

இதையும் படிக்க: டிரெண்டிங்கில் மிஷ்கின் பாடிய பாடல்!

முக்கியமாக, இசையமைப்பாளர் ஏ. ஆர். ரஹ்மான் இப்படத்திற்கு நல்ல பாடல்களை இசையமைத்த பின்பும் அதை மணிரத்னம் சரியாக எடுக்கவில்லை எனக் கூறியுள்ளனர்.