உடுப்பியில் திருமண விழாவில் பங்கேற்ற பிரபல காமெடி நடிகர் திடீரென சரிந்து விழுந்து பலியான நிகழ்வு அதிர்ச்சியை ஏற்படுத்தியுள்ளது.
கன்னட திரையுலகில் பிரபல காமெடி நடிகர் ராகேஷ் பூஜாரி(33). இவர் உடுப்பியில் நேற்று நடந்த திருமண மெஹந்தி விழா ஒன்றில் பங்கேற்றார். விழாவில் நண்பர்களுடன் அவர் உற்சாகமாக நடனமாடிக்கொண்டிருந்தார். அப்போது திடீரென நெஞ்சை பிடித்து கீழே சரிந்து விழுந்தார்.
இதனைக்கண்டு அதிர்ச்சியடைந்த அவரது நண்பர்கள் ராகேஷை அருகிலுள்ள மருத்துவமனைக்கு கொண்டு சென்றனர். ஆனால் அவர் ஏற்கெனவே பலியாகிவிட்டதாக மருத்துவர்கள் அறிவித்தனர். ராகேஷுக்கு இரத்த அழுத்தம் குறைந்து மாரடைப்பு ஏற்பட்டதாக மருத்துவர்கள் தெரிவித்துள்ளனர்.
அவரது மறைவு கன்னட திரையுலக மத்தியில் சோகத்தை ஏற்படுத்தியுள்ளது. காமெடி கிலாடி நிகழ்ச்சியின் வெற்றியாளரான ராகேஷ் பூஜாரி காந்தாரா படத்தில் முக்கிய வேடம் ஏற்றிருந்தார். மேலும் காந்தாரா-2விலும் நடித்து வந்த நிலையில் தற்போது அவர் பலியாகியிருப்பது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.