இதற்காக நானும் காத்திருக்கிறேன்: இசையமைப்பாளர் சந்தோஷ் நாராயணன்

இசையமைப்பாளர் சந்தோஷ் நாராயணன் சேயோன் திரைப்பட பாடல் குறித்து பேசியுள்ளார்.

இசையமைப்பாளர் சந்தோஷ் நாராயணன் தற்போது சிவகார்த்திகேயனின் சேயோன், துருவ் விக்ரம் - 4, விக்ரம் - 63 ஆகிய படங்களுக்கு இசையமைத்து வருகிறார்.

இதில், சேயோன் திரைப்படத்தின் புரோமோவில் இடம்பெற்ற பாடல் ஒன்றை வெளியிட ரசிகர் ஒருவர் கோரிக்கை வைத்திருந்தார்.

இதனைக் கண்ட சந்தோஷ் நாராயணன், "சேயோன் திரைப்படத்தின் புரோமோ பாடலை விரும்பிய எனது செல்லங்களுக்கு நன்றி. பாடல் வெளியீட்டுக்கு தயாராக உள்ளது. இப்படம் மிகவும் சிறப்பான, மிகப் பிரம்மாண்டமான தயாரிப்பாக உருவாகி வருகிறது. இதன் வெளியீட்டுக்காக பல கட்ட திட்டங்களும், ஏற்பாடுகளும் செய்யப்பட்டுள்ளன.

அதனால், சரியான வெளியீட்டுத் தேதியை எதிர்பார்த்து உங்களில் ஒருவனாக நானும் காத்திருக்கிறேன். இந்தப் பாடலை உங்கள் அனைவருக்கும் காட்ட வேண்டும் என்ற ஆவல் எனக்குள் இருக்கும் குழந்தையைப் போல அதிகமாக உள்ளது.” எனத் தெரிவித்துள்ளார்.

Music composer Santhosh Narayanan has spoken about a song from the movie Seyon.