ஹிப்ஹாப் ஆதியின் மீசைய முறுக்கு 2! 4 ஆவது பாடல் வெளியீடு!

ஹிப்ஹாப் ஆதி இயக்கி நாயகனாக நடிக்கும் மீசையமுறுக்கு 2 திரைப்படத்தின் “அடிபோடி” எனும் பாடல் வெளியாகியுள்ளது.

கடந்த 2017 ஆம் ஆண்டு ஹிப்ஹாப் தமிழா ஆதி இயக்கி, இசையமைத்து நாயகனாக நடித்து வெளியாகி ரசிகர்களிடையே நல்ல வரவேற்பைப் பெற்ற படம் “மீசையமுறுக்கு”.

நடிகை குஷ்பு சுந்தரின் அவ்னி மூவிஸ் தயாரிப்பில் உருவாகியுள்ள ஹிப்ஹாப் ஆதியின் “மீசையமுறுக்கு 2” படத்தில் கேத்திகா ஷர்மா, யூடியூபர் ஹர்ஷத் கான் ஆகியோர் முக்கிய கதாபாத்திரங்களில் நடிக்கின்றனர்.

இந்த நிலையில், ஹிப்ஹாப் ஆதி இசையமைத்துள்ள “மீசையமுறுக்கு 2” படத்தின் “அடி போடி” எனும் புதிய பாடலை இன்று (ஜூன் 24) படக்குழுவினர் வெளியிட்டுள்ளனர்.

ஏற்கெனவே, இப்படத்தின் ஆரா 10/10, பப்பாளி பழமே, கோயிந்தம்மா ஆகிய பாடல்கள் வெளியாகி ரசிகர்களிடையே வரவேற்பைப் பெற்றுள்ளது குறிப்பிடத்தக்கது.